Tajlandë, Puket, Bangkok

Dita 1

Takimi me shoqëruesin në aeroportin e Tiranës rreth 2 orë e 30 minuta përpara nisjes. Fluturimi drejt Bangkokut kryhet me tranzit në Stamboll dhe mbërritja është ditën pasuese. Pas procedurave aeroportuale bëhet transferimi privat drejt hotelit dhe sistemimi. Në mbrëmje programi nis me një Tuk Tuk food tour në Bangkok, me ndalesa në zona të njohura të street food, Wat Suthat dhe Giant Swing, për një hyrje të parë në atmosferën e qytetit. Darka përfshihet sipas programit.

Dita 2

Pas mëngjesit, vizitë në Grand Palace dhe Tempullin e Budës së Smeraldit, më pas Wat Pho dhe Wat Traimit. Pas drekës në një restorant lokal, vazhdimi drejt Wat Arun. Pasdite zhvillohet një shëtitje me varkë tradicionale në kanalet e Thonburit përgjatë lumit Chao Phraya, me kohë të lirë në përfundim. Përfshihen mëngjesi dhe dreka.

Dita 3

Pas mëngjesit, ekskursion ditor në Damnoen Saduak Floating Market dhe Maeklong Railway Market. Programi përfshin edhe lundrim në kanalet tradicionale të zonës për të parë jetën lokale jashtë Bangkokut. Pas kthimit në qytet, mbrëmja vazhdon me lundrim dhe darkë në lumin Chao Phraya, me pamje të Bangkokut të ndriçuar. Përfshihen mëngjesi dhe darka në anije.

Dita 4

Mëngjesi në hotel dhe check-out, më pas transferim në aeroport për fluturimin e brendshëm Bangkok–Phuket. Pas mbërritjes bëhet transferimi drejt hotelit. Pjesa tjetër e ditës është e lirë për relaks në plazh ose pishinë dhe aktivitete individuale. Përfshihet mëngjesi.

Dita 5

Pas mëngjesit, ekskursion i plotë me speedboat drejt Phi Phi Islands. Itinerari përfshin Maya Bay, Monkey Beach, Phi Phi Ley Cove dhe ndalesa për fotografi, not dhe relaks. Dreka shërbehet në Tonsai Bay, më pas vazhdimi drejt Bamboo Island për kohë të lirë në plazh. Kthimi në Phuket pasdite. Përfshihen mëngjesi dhe dreka.

Dita 6

Pas mëngjesit, vizitë në Phuket Elephant Sanctuary, qendër etike për elefantët e rehabilituar, me prezantim të historive të tyre dhe vëzhgim në habitat. Përfshihet drekë vegjetariane buffet. Më pas tur panoramik në Old Phuket Town, vizitë në Thai Hua Museum dhe ndalesë në Khao Rang Hill Viewpoint. Përfshihen mëngjesi dhe dreka.

Dita 7

Mëngjesi në hotel dhe ditë e lirë për plazh, relaks ose shopping. Pasdite transferim drejt aeroportit të Phuketit dhe nisja në mbrëmje drejt Tiranës me tranzit në Stamboll. Mbërritja në Tiranë parashikohet mëngjesin e datës 3 Dhjetor. Përfshihet mëngjesi.