Pragë, Çekia

Dita 1

Takimi me shoqëruesin në aeroportin e Rinasit rreth 3 orë përpara nisjes. Fluturimi direkt Tiranë–Pragë zhvillohet në mbrëmje. Pas mbërritjes në Pragë, vijon transferimi direkt drejt hotelit. Sistemim dhe akomodim në hotel. Përfundon programi i ditës së parë.

Dita 2

Mëngjesi në hotel. Pas mëngjesit nisja drejt Dresdenit; udhëtimi zgjat afërsisht 2 orë. Pas mbërritjes, shëtitje në qytet dhe vizitë e pikave kryesore turistike: • Altmarkt dhe Striezelmarkt • Frauenkirche, katedralja baroke dhe një nga simbolet e qytetit • Brühlsche Terrasse, e njohur si “Ballkoni i Evropës”, shëtitorja mbi lumin Elba • Zwinger Palace, me pamje të jashtme dhe oborret baroke • Semperoper, opera e njohur e Dresdenit, e parë nga jashtë Pas përfundimit të vizitave në Dresden, kthim drejt Pragës. Mbrëmja e lirë për të shijuar qytetin ose për pushim. Sistemim dhe fjetje në hotel. Përfundon programi i ditës së dytë.

Dita 3

Mëngjesi në hotel. Pas mëngjesit nis vizita e Pragës dhe monumenteve kryesore. Programi përfshin zonën Hradčany, Kishën e Loretos dhe Kështjellën e Pragës, ku ndodhet edhe selia zyrtare e Presidentit. Vijon vizita pranë bazilikës brenda kompleksit të kështjellës, Galerisë Kombëtare, Katedrales Shën Vitus, Bazilikës së Shën Xhorxhit, Pallatit Mbretëror dhe Rrugicës së Artë. Më pas ecje drejt Sheshit të Qytetit të Ri dhe vazhdim në Qytetin e Vjetër me sheshin karakteristik, kullën e orës astronomike dhe Urën e Karlit, e dekoruar me 30 statuja të stileve të ndryshme. Mbrëmja e lirë në qytet për të shijuar atmosferën e Pragës.

Dita 4

Mëngjesi në hotel. Pas mëngjesit nisja drejt Karlovy Vary; udhëtimi zgjat afërsisht 2 orë. Pas mbërritjes, shëtitje në qytet dhe vizitë e pikave kryesore turistike: • Mill Colonnade • Hot Spring Colonnade • Kisha e Shën Marisë Magdalenë Vijon shëtitja në pedonalen kryesore përgjatë lumit Tepla, një nga zonat më tërheqëse të qytetit. Pas vizitave në Karlovy Vary, kthim drejt Pragës dhe ndalesë në zonën e Kështjellës së Pragës. Më pas transferim për në aeroport. Fluturimi direkt Pragë–Tiranë zhvillohet sipas orarit të programit, me mbërritje pas mesnate në Tiranë. Përfundon programi i udhëtimit.