Ulqin, Mali i Zi

Udhëtim 1 ditor në Ulqin & Ada Bojana

Tur me autobus · Me autobus · Mëngjes

Kohëzgjatja

1 ditë

Nisja nga

Tirana / Elbasan

Ushqimi

Mëngjes

Hoteli

Sipas programit

Datat e nisjes & çmimet

Kjo ofertë ka data fleksibile. Kontakto agjencinë për datat e lira.

Rreth ofertës

Udhëtim 1 ditor në Ulqin dhe Ada Bojana. Rezervoni tani dhe përjetoni një ditë të paharrueshme buzë Adriatikut!

Nisemi nga Elbasani në orën 05:30 dhe nga Tirana në orën 06:30. Gjatë rrugës do të kemi një ndalesë të shkurtër për kafe dhe konsumimin e mëngjesit, si dhe një pushim për relaks.

Do të kalojmë nga segmenti panoramik Lezhë – Shëngjin – Velipojë. Pas mbërritjes në pikën kufitare Muriqan dhe përfundimit të procedurave doganore, vazhdojmë udhëtimin drejt qytetit bregdetar të Ulqinit.

Destinacioni i parë që do të vizitojmë është Ulqini, një nga qytetet më të vjetra dhe me karakteristike të Adriatikut. Vizita nis me Qytetin e Vjetër, ku do të kemi një shëtitje mes rrugicave të gurta, mureve historike dhe pamjeve të mrekullueshme mbi det. Këtu keni mundësi të vizitoni dhe muzeun e Kalasë, i cili kushton 4€/person (opsionale). Kalaja e Ulqinit ofron një atmosferë unike ku historia dhe deti bashkohen në një panoramë të paharrueshme, ideale për foto dhe përjetim të qytetit nga lart.

Pas vizitës në kala, kohë e lirë për kafe dhe relaks në zonën e portit.

Më pas udhëtimi do të vazhdojë drejt një prej perlave natyrore të Adriatikut, Ada Bojana. Aty na pret pjesa më relaksuese e ditës: plazh i lirë, ujë i pastër, natyrë e paprekur dhe një ambient unik ku lumi dhe deti bashkohen. *rruga për në plazh nuk është e aksesueshme nga autobusi dhe zgjat rreth 30min. në këmbë.

Kohë e lirë për të shijuar drekën në restorantet tradicionale të zonës buzë Lumit të Bunës, të njohura për peshkun e freskët dhe specialitetet lokale.

Në orët e pasdites, pas një dite të mbushur me përjetime dhe relaks, nisemi në drejtim të Shqipërisë.

Mbërritja në Tiranë dhe Elbasan është e parashikuar në orët e mbrëmjes, me kujtime të bukura nga një ditë e plotë në Adriatik.

Oferta u mblodh automatikisht nga faqja elitetravel.al më 2 Tetor 2026. Çmimet dhe disponueshmëria mund të kenë ndryshuar — konfirmoji gjithmonë me agjencinë para pagesës.