Budva, Cetinje, Mali i Zi

Dita 1

Nisja nga Elbasani në 05:30 dhe Tirana në 06:30. Gjatë rrugës do të kemi një ndalesë të shkurtër për kafe dhe konsumimin e mëngjesit. Udhëtimi vijon përmes peizazheve panoramike të veriut shqiptar dhe më pas kalimi në pikën kufitare të Hani i Hotit. Pas hyrjes në Mal të Zi, do të vazhdojmë përgjatë rivierës së famshme malazeze, e njohur për pamjet spektakolare të detit Adriatik, gjiret e mrekullueshme dhe qytetet bregdetare plot gjallëri. Do të mbërrini në Budva, një nga destinacionet më të njohura turistike të Adriatikut. Pas akomodimit në hotel, do të kemi kohë të lirë në dispozicion për relaks, shëtitje buzë detit ose për të shijuar atmosferën e qytetit. Pas dreke do të mund të vizitoni Qytetin e Vjetër të Budvës, një ndër pjesët më të bukura dhe historike të qytetit. Shëtisni në rrugicat mesjetare të rrethuara me mure guri, ku do të keni mundësi të admironi arkitekturën, kishat e vjetra, sheshet plot jetë dhe pamjet fantastike të Adriatikut. Kohë e lirë për foto, kafe ose për të shijuar perëndimin buzë detit. Mbrëmjen do t’a keni të lirë për ta kaluar sipas dëshirës në Budva, ku dhe do të kalojmë natën.

Dita 2

Mëngjesi në hotel, pas mëngjesit, nisemi drejt një prej perlave të Adriatikut – Kotorit. Do të vizitoni Kotorin, një nga qytetet më të bukura dhe më të ruajtura mesjetare në Ballkan, pjesë e trashëgimisë botërore të UNESCO-s. Qyteti ndodhet në brigjet e Gjirit të Kotorit, i konsideruar si një nga gjiret më spektakolare në Europë. Gjatë vizitës do të shëtisni në qytetin e vjetër, mes rrugicave karakteristike prej guri, shesheve historike dhe monumenteve me vlera kulturore e arkitekturore. Do të keni kohë të lirë për foto, për të eksploruar qytetin sipas dëshirës dhe për të konsumuar drekën. Në vazhdim, udhëtimi vijon drejt Cetinjes, ish-kryeqytetit mbretëror të Malit të Zi dhe një prej qyteteve me rëndësi historike e kulturore për vendin. Do të vizitoni Cetinjen, qendrën historike të qytetit, e njohur për atmosferën e saj tradicionale, ndërtesat historike dhe trashëgiminë kulturore. Gjatë kohës së lirë do të keni mundësi të bëni shëtitje, të realizoni foto dhe të shijoni qetësinë e këtij qyteti unik. Pas përfundimit të vizitave, nisemi drejt Shqipërisë me ndalesa të shkurtra gjatë rrugës për pushim.

Udhtim 2 Ditë në Malin e Zi, Budva, Kotorr dhe Cetinje