Maqedoni e Veriut

Dita 1

Nisja nga Tirana në 06:30 dhe Elbasani në 07:30. Gjatë rrugës do të kemi një ndalesë të shkurtër për kafe dhe konsumimin e mëngjesit. Udhëtimi vijon drejt Lindjes, në drejtim të Strugës, Ohrit dhe Kërçovës ku janë parashikuar pushime të shkurtra. Në vazhdim të udhëtimit, do të mbërrijmë në Krushevë. Krusheva është një qytezë e ndërtuar shekuj më parë dhe është një nga qytezat më të bukura në Maqedoni. Ju keni mundësinë të vizitoni Monumentin e Ilindenit, memorialin e Toshe Proeskit (i cilësuar si Elvis Presli i Ballkanit), pazarin e vjetër, Kishën e Shën Nikollës etj.

Zejtarë të ndryshëm janë të shpërndarë në qendrën e qytetit, nga artizanët e llokumeve, të barrelave, galeritë e artit, shtëpitë mesjetare të zbukuruara me kujdes, mjetet e famshme të ish-Jugosllavisë (Zastava, Yugo, etj.). Ju aty do të keni mundësinë të shijoni një nga aktivitetet më të bukura që të ofron një adrenalinë të papërshkrueshme kur mbërrini në qendrën e Skijimit mbi majën e Krushevës. Ju do të keni kohë të lirë për të shijuar drekën në bujtinat dhe restorantet që ndodhen në qytet dhe në afërsi të pistave të skijimit.

Mos harroni të shijoni edhe gatimet e vendit, sidomos Tavçe Gravçe. Pasditja pas skijimit do t’i dedikohet mirëqenies, duke shfrytëzuar të gjitha aktivitetet e SPA në hotelin tuaj me pishinë të brendshme me ujë të ngrohtë. Darka me muzikë dhe fjetja në Hotel Montana.

Dita 2

Mëngjesi në hotel, pas mëngjesit deri në orën 11:00 sipas dëshirës do të keni kohë të lirë për skijim ose SPA në hotel. Nisja nga Krushevo për në Ohër, ndalesa në qendër ku ju do të keni kohë të lirë për rreth 3 orë për drekën, për të shijuar magjinë e Ohrit në dimër ose për pazare në qendër.

Qyteti i Ohrit gjatë stinës së dimrit shndërrohet në një peizazh përrallor ku qetësia e liqenit gërshetohet në mënyrë të përsosur me bardhësinë e pafundme të maleve përreth. Kjo periudhë e vitit ofron një atmosferë magjepsëse që buron nga reflektimi i dritave mbi ujin e ftohtë dhe nga pamja e arkitekturës historike të mbuluar tërësisht nga dëbora. Para muzgut, i drejtohemi Shën Naumit, në një udhëtim përgjatë brigjeve lindore të liqenit të Ohrit ku do të shijoni dhe perëndimin e diellit mbi liqen. Ndalesë 30 minutëshe në Shën Naum, kalimi i pikës kufitare të Tushemishtit dhe vijojmë përgjatë liqenit për në Tiranë. Fundi i shërbimit.